بنت عز
تاريخ النشر: 30-04-2015
الشعر
2
1٬216 مشاهدة
بواسطة: إبراهيم القهيدان
اللي خدها كنه السيف لا سله
تلمع به بروق الشرف والفضيله
قالت بنت عز ولا ظرت للمذله
قلت الزمان اغبر ويش اسويله
العنوسه صارت بالمجتمع عله
كم قطار طاف والناس توميله
راح واقفا وخلا الأرواح منسله
وحل بمكانه القهر والفشيله
وصارت الأوضاع يا بنت منحله
اليوم كلا يغني على ليله
تجمعوا أصحاب وكونوا شله
بفسادهم يمضي الوقت يا حليله
أوضاعهم يا بنت دائما فله
يوم التموا بالساقطة والهبيله
واتركوا اللي على الدين والمله
اللي تعتز بنفسها والقبيله
اللي خدها كنه السيف لا سله
تلمع به بروق الشرف والفضيله
إن روحت تجر القلب وتله
وان أقبلت تسعد اللي له حليله
هي بنت عز ولا ظرت للمذله
بس الزمان اغبر ويش اسويله
2تعليق
اللي خدها كنه السيف لا سله
تلمع به بروق الشرف والفضيله
بيت في قمة الروووووووعة
صح لسانك
الله يديم هالاحساس وهالغيره على بنات المجتمع
هذا جور الزمان ومجتمعنا ما يرحم واهلنا بعد لهم دور لما يجي الرجال السنع يجلسون يتشرطون عليه وخصوصا لما يكون متزوج ما يراعون رغباتنا وش نبي
طبعا البنت يحكمها الحياء وماتقدر تقول شي
وبعد تخاف لو صارت مشكله حملوها الذنب
لو اكتب لليل ما اخلص بس اعجبتني القصيده واروح واجي عليها وكم مره اعلق ومدري وين يروح تعليقي
وشكرا